Flaggdagin 25. apríl hevur tú møguleika at koma við á ein sera hugnaligan gongutúr úr Funningsfirði til Oyndarfjarðar.
Klokkan 10 verður farið til gongu úr skúlanum í Funningsfirði. Tað er eitt sindur tungt at koma niðan á, men so er sloppið.
Í einum úthúsi í Elduvík steðga vit á har lætt ábit og drekka verður at fáa. Tvíflís, breyðpannukøka við tunsalat, frukt,
kaffi, te, rabarbusaft og okkurt søtt eisini.
Í gjónni í Elduvík verður eisini møguleiki at dyppa ella at loypa á bláman.
Síðan verður farið víðari til Oyndarfjarðar um Elduvíkslíð. Ein góð rás er at ganga eftir. Tá komið er til Oyndarfjarðar fara vit við bussi aftur til skúlan í Funningsfirði, har bilarnir standa.
Torleikastig: Miðal
Túrurin tekur á leið 5 tímar
Kostnaður: kr. 500 pr. persón. Við í prísinum er ferðaleiðari, matur, drekka og bussur.
Atgongumerki vera til sølu frá mánadegnum 8/4