Sara Ludvig er tekstilsniðgevi við sergrein í binding. Sara fer at hava eina verkstovu í yndis bindiháttinum 'intarsia' ella gobelin binding, sum tað eisini kallast. Hesin bindiháttur ger tað møguligt at arbeiða kreativt við motivum og nógvum litskiftum. Sara fer at geva innleiðslu í forritinum 'stitchfiddle' og teim teknisku pørtunum í bindiháttinum, og luttakararnir fáa eina ítøkiliga uppgávu í intarsia, sum eggjar til spæl við litum og ymiskum tógvsløgum.
Kaffi og køka verður bjóðað. Verkstovan heldur fram til kl. 16:00.
Navia stuðlar við tógvi, so luttakararnir skulu bert hava stokkar við.
Kostnaður er 300 kr. + eitt avgreiðslugjald á 20 kr. Tað er avmarkað pláss.
